свет, Коронавирус

САД: Бројот на дневно откриени случаи со Ковид-19 надмина рекордни 50.000

Во САД во последните 24 часа се потврдени 50.816 случаи со Ковид-19, со што вкупната бројка на случаи во земјата се искачи на 2.781.619

Islam Doğru  | 02.07.2020 - Обновена : 03.07.2020
САД: Бројот на дневно откриени случаи со Ковид-19 надмина рекордни 50.000

ЊУЈОРК

Во Соединетите Американски Држави (САД) во последните 24 часа починаа 709 лицa од новиот вид коронавирус (Ковид-19), со што вкупната бројка на починати во оваа земја се зголеми на 130.843 лица, пренесува Агенција Анадолија (АА).

САД се наоѓаат на врвот на листата на земји во светот што се најмногу погодени од Ковид-19, и се епицентарот на оваа пандемија.

Според интернет страницата „Worldometer“, во САД во последните 24 часа се потврдени 50.816 случаи со Ковид-19, со што вкупната бројка на случаи во земјата се искачи на 2.781.619.

Од Ковид-19 во САД починаа уште 709 лицa со што вкупната бројка на починати се искачи на 130.843.

Што се однесува до најголемата бројка на случаи, по САД следуваат Бразил со 1.459.969 откриени случаи, Русија со 661.165 откриени случаи, и Индија со 606.907 откриени случаи.

Од друга страна, американската сојузна држава Њујорк се наоѓа на врвот на листата на сојузни држави на САД кои се најмногу погодени од овој вирус, по кој следуваат Калифорнија и Њу Џерси.

Во Њујорк откриени се 418.605 случаи со Ковид-19, додека како последица на овој вирус починаа 32.143 лица.

Во САД досега се направени над 34 милиони и 858 илјади тестирања за Ковид-19. Бројката на излекувани лица од овој вирус надмина 1 милион и 165 илјадa.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.
Поврзани теми
Bu haberi paylaşın