Пандемијата на Ковид-19 во земјите на Латинска Америка: Во Мексико починаа 493 лица, 430 во Аргентина, 243 во Бразил

БУЕНОС АИРЕС

Пандемијата на новиот тип коронавирус (Ковид-19) продолжува да се шири и да одзема животи во земјите на Латинска Америка, јавува Агенција Анадолија (АА).

Во последните 24 часа пандемијата на Ковид-19 е причина за смртта на 243 заразени во Бразил, 493 во Мексико, 430 во Аргентина, 177 во Колумбија и 56 во Перу.

Според податоците објавени од Министерството за здравство на Бразил, во последното деноноќие во Бразил починале 243 лица заразени со Ковид-19, со што вкупната бројка на лица што починаа од коронавирусот се зголеми на 160.496. Бројката на лица кај кои во последните 24 часа е детектиран Ковид-19 изнесува 11.843, зголемувајќи го вкупниот број на лица позитивни на коронавирусот на 5.566.049.



По Соединетите Американски Држави (САД) и Индија, Бразил е трета земја во светот според бројката на лица позитивни на коронавирусот. Во оваа земја оздравеа 5.28.216 лица што претходно биле позитивни на Ковид-19.






- Мексико



Министерството за здравство на Мексико соопшти дека во последните 24 часа во земјата починале 493 лица заразени со коронавирусот, а детектирани се 5.250 новозаразени.


Во Мексико, со популација од 126 милиони жители, досега се регистрирани 92.593 смртни случаи, а вкупниот број лица позитивни на коронавирусот изнесува 938.405. Во оваа земја досега оздравеа 693.227 лица позитивни на Ковид-19.




Мексико, со популација од 126 милиони жители, се наоѓа на 10. место во светот според бројот на лица позитивни на Ковид-19.




- Аргентина

Министерството за здравство на Аргентина информира дека во последното деноноќие починале 430 лица од последиците предизвикани од Ковид-19, со што вкупната бројка се зголеми на 32.052. Во истиот период детектирани се 12.145 новозаразени, со што вкупниот број лица позитивни на коронавирусот се искачи на 1.195.276.




Во Аргентина, која има 45 милиони жители, досега оздравеа 1.009.278 лица заразени со коронавирусот.


Иако Аргентина спроведе многу долг карантин како превенција од ширењето на коронавирусот, сепак оваа земја според бројот на лица позитивни на вирусот се наоѓа на седмото место во светот.


Рестриктивните мерки што во Аргентина се воведени на 20 март, со текот на времето почнаа постепено да се олабавуваат, а карантинот во осум покраини и во главниот град Буенос Аирес е продолжен до 8 ноември.



Комерцијалните летови во земјата, кои беа запрени кон крајот на март повторно се воспоставени во ноември, но влез во земјата во туристички цели им е дозволен само граѓаните на Уругвај, Бразил, Парагвај, Боливија и Чиле, земји што се граничат на Аргентина.

- Колумбија


Според информациите што ги објави Министерството за здравство на Колумбија, во последните 24 часа од Ковид-19 починале 177 лице, со што вкупниот број смртни случаи достигна 31.847.


Во последните 24 часа детектирани се 6.136 лица позитивни на коронавирусот, со што вкупниот број на заразени со вирусот се зголеми на 1.099.392. Во оваа земја досега оздравеа 993.877 заразени со Ковид-19.


Колумбија, која брои популација од околу 50 милиони, е осма земја во светот според бројот на заразени со Ковид-19.





- Перу

Според информациите што ги објави Министерството за здравство на Перу, во последните 24 часа починале 56 лица од последиците предизвикани од коронавирусот, а детектирани се 860 новозаразени.


Во оваа земја вкупниот број заразени се искачи на 908.902, починаа 34.623 заразени, а оздравеа 832.929 лица кај кои бил детектиран коронавирусот.


Перу, со популација од околу 32 милиони жители, се наоѓа на 11. место во светот според бројката на заразени со коронавирусот и по бројот на смртни случаи како последица на вирусот.