Италија: Од последици на заразеност со Ковид-19 забележани 26.977 смртни случаи

РИМ

Во Италија денес се регистрирани 333 нови смртни случаи од Ковид-19, со што вкупниот број на починати од вирусот изнесува 26.977. Новиот број на заразени лица е намален, јавува Агенција Анадолија (АА).

Податоците од италијанскиот Оддел за цивилна заштита потврдува дека срамнувањето на кривата продолжува, а Владата вчера конечно го објави планот со кој ќе се овозможи делумно започнување на економските активности од 4 мај.

Бројката на заразени се намали за 290 лица од вчера, при што сега изнесува 105.813.

Во меѓувреме, бројот на излекуваните е во пораст, при што вкупно изнесува 66.624, а бројот на пациентите на интензивна нега продолжува да опаѓа, намалувајќи го притисокот врз здравствениот систем на Италија.

Епицентарот на епидемијата во Италија останува северниот регион Ломбардија, каде досега од последици предизвикани од Ковид-19 починаа 13.449 лица, што е повеќе од половина од вкупниот број ма смртни случаи во Италија.

Италијанскиот премиер Џузепе Конте на прес-конфернцијата синоќа изјави дека градежништвото и производството ќе бидат првите индустриски сектори кои ќе бидат отворени повторно на 4 мај.

Сепак, Конте истакна дека ќе мора да се обезбедат строги протоколи за безбедност и заштита на здравјето на работниците.

Неколку стратешки и извозно ориентирани фирми би можеле да започнат со работа повторно оваа недела, под узлов да добијат дозвола од локалните власти.

Продавниците и музеите ќе треба да почекаат до 18 мај за да ги отворат своите врати, додека Владата има за цел да ги отвори баровите, рестораните, берберниците и фризерски салони на 1 јуни. Училиштата ќе бидат отворени повторно во септември.

Строгите мерки за социјално дистанцирање и понатаму ќе се применуваат, на поединци ќе им биде дозволен премин од една во друга општина, но не меѓу различни региони, освен во случаи на работна обврска.