Ömer Faruk Yıldız
19 Септември 2022•Ажурирај: 20 Септември 2022
ЖЕНЕВА (АА) - Регионалниот директор на Светската здравствена организација (СЗО) за Европа, д-р Ханс Клуге, истакна дека доколку не се појави нова варијанта на Ковид-19, епидемијата може наскоро да заврши, пренесува Агенција Анадолија (АА).
Во изјавата за телевизијата РУВ на Исланд, Клуге ја оцени изјавата на генералниот директор на СЗО, д-р Тедрос Аданом Гебрејесус, дека „се гледа крајот на епидемијата на Ковид-19“.
Наведувајќи дека се согласува со изјавите на Гебрејесус, Клуге рече: „Ако не се појави нова варијанта, епидемијата може да заврши наскоро. Треба да се надеваме на ова.“
Упатувајќи совети сите да примат нова засилувачка доза на вакцината против Ковид-19 пред претстојната зима, Клуге рече: „Силното следење е исто така важно за брзо да се идентификуваат новите варијанти.“
„Никогаш не сме биле во подобра позиција да ставиме крај на епидемијата. Го гледаме крајот, но не сме таму“, рече генералниот директор на СЗО, Гебрејесус, во изјавата дадена на 14 септември.
Наведувајќи дека е постигната целта во борбата против Ковид-19, Гебрејесус рече: „Најлошото нешто што можеме да го направиме во оваа ситуација е да застанеме. Мора да трчаме побрзо и да ја поминеме целта. Ако не ја искористиме оваа можност сега, ризикуваме повеќе варијанти, смртни случаи и неизвесност.“
