свет, Коронавирус

Во светот досега аплицирани над 2,5 милијарди дози од вакцините против Ковид-19

Турција е на 10. место во светот со дадени над 38,05 милиони дози

Merve Berker  | 17.06.2021 - Обновена : 18.06.2021
Во светот досега аплицирани над 2,5 милијарди дози од вакцините против Ковид-19

АНКАРА (АА) - Досега во светот аплицирани се над 2,5 милијарди дози вакцини против коронавирусот, покажуваат најновите податоци на веб-страницата „Our World in Data“, пренесува Агенција Анадолија (АА).

Кина е предводник на светско ниво со над 945,15 милиони аплицирани дози, по која следуваат Соединетите Американски Држави (САД) со 312,92 милиони.

Индија има администрирано 265,51 милион дози, Бразил 81,54 милиони, Велика Британија 72,46 милиони, Германија 63,65 милиони, Франција 45,59 милиони, Италија 43,6 милиони, а Мексико 38,25 милиони дози од вакцините против Ковид-19.

Турција е на 10. место во светот со дадени над 38,05 милиони дози, а потоа следуваат Шпанија, Индонезија и Русија.

Земја со најмногу администрирани дози според бројот на населението се Обединетите Арапски Емирати, со 142,24 дози на 100 жители.

Повеќето вакцини против Ковид-19 се администрираат во две дози, поради што бројот на дадени дози не е ист со бројот на целосно вакцинирани лица.

Според американскиот Универзитет „Џонс Хопкинс“, од декември 2019 година пандемијата зеде над 3,83 милиони животи во 192 земји и региони во светот, со регистрирани над 177,1 милиони случаи.


САД, Индија и Бразил и понатаму се најтешко погодените земји од Ковид-19 во светот.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.
Поврзани теми
Bu haberi paylaşın