Во Италија забележан најнизок број на смртните случаи во еден ден од почетокот на епидемијата

РИМ

Во последните 24 часа во Италија од последиците на коронавирусот (Ковид-19) починаа три лица, односно вкупно 35.045 лица, јавува Агенција Анадолија (АА).

Министерството за здравство ги сподели последните информации за епидемиолошката ситуација во земјата која веќе 5 месеци е погодена од епидемијата на Ковид-19.

Бројот на активни случаи е поголем за 72 и изнесува 12.440. До денес со Ковид-19 се заразени 244.434 лица. Во последните 24 часа потврдени се 218 случаи на заразување.

Бројот на оздравени лица е поголем за 143 и изнесува 196.949. Од Ковид-19 во последните 24 часа починаа три лица, односно, вкупната бројка на починати лица од овој вирус во Италија изнесува 35.045.

Денешниот број на смртните случаи е најнизок од 23 февруари, поточно, од првите денови на епидемијата во Италија.

Во земјата досега се направени 6.238.049 тестирања на Ковид-19.