Бројот на откриени случаи со Ковид-19 во светот надмина 18 милиони

АНКАРА

Бројот на откриени случаи со новиот вид коронавирус (Ковид-19) во светот надмина 18 милиони, пренесува Агенција Анадолија (АА).

Според интернет-страницата „Worldometer“, досега во светот со Ковид-19 се заразени 18.023.614 лица.

Најмногу случаи се откриени во САД, каде што 4.764.318 лица се заразени со овој вирус.

По САД следуваат Бразил со 2.708.876 откриени случаи, Индија со 1.751.919 откриени случаи, Русија со 845.443 откриени случаи, Јужноафриканска Република со 503.290 откриени случаи, Мексико со 434.193 откриени случаи, Перу со 422.183 откриени случаи, Чиле со 357.658 откриени случаи, Шпанија со 335.602 откриени случаи, Иран со 306.752 откриени случаи, Колумбија со 306.181 откриен случај, Велика Британија со 303.952 откриени случаи, Пакистан со 279.146 откриени случаи, Саудиска Арабија со 277.478 откриени случаи, Италија со 247.832 откриени случаи, и Бангладеш со 239.860 откриени случаи.

Во Турција со Ковид-19 досега се заразени 231.869 лица.

Земји каде што бројката на откриени случаи со Ковид-19 надмина 100.000 се следни: „Германија (211.077), Аргентина (196.543), Франција (187.919), Ирак (126.704), Канада (116.599), Катар (110.911) и Индонезија (109.936)“.

Како последица на Ковид-19 во светот починаа 688.949 лица, излекувани се 11.332.080 лица, додека има 6.002.585 активни случаи.