Fahri Aksüt
23 Јули 2020•Ажурирај: 24 Јули 2020
ИСТАНБУЛ
Аеродромот „Истанбул“ е единствениот аеродром во светот кој е подготвен за процесот на нормализација, вели турски експерт, јавува Агенција Анадолија (АА).
Надзорникот за цивилната администрација на аеродромот „Истанбул“, Исмаил Шанли, како турски експерт го сподели своето искуство со амбасадорите и конзулските генерали од 75 земји за време на семинарот за Ковид-19 на аеродромот „Истанбул“, под претседателство на Цивилната администрација на аеродромот.
Шанли изјави дека Турција го следи развојот на настаните во врска со пандемијата уште од нејзината појава во светот и 11 март, кога беше забележан првиот случај во земјата, и се бори со сите свои можности, вклучувајќи повеќе од 165.000 доктори и 1.500 болници.
Тој изјави дека Турција започнала со мерки како што се сертификациска програма за безбеден туризам и патничко осигурување и спроведува строги контроли во однос на одржувањето физичка дистанца, носење маски и услови за хигиена.
„Така, квалитетот на животот и здравствените услови на сите наши гости кои доаѓаат во нашата земја се подобрени и создадена е побезбедна средина и од нивните домови“, рече тој.
Тој изјави дека лабораторијата на аеродромот има капацитет за спроведување на 40.000 тестови за Ковид-19 дневно за патниците кои доаѓаат и заминуваат.
Главниот лекар на аеродромот, Ајкут Јенер Кавак, изјави дека кај патниците кај кои ќе се дијагностицира вирусот или постои сомнеж дека се заразени, веднаш ќе бидат преземени мерки на карантин.
Покрај строгите правила за хигиена, вентилацијата на аеродромот постојано се чисти и аеродромот се набљудува со термички камери.
Тој изјави дека на аеродромот се направени карантински соби со стандарди на болница и дека на аеродромот работат најмалку 180 здравствени работници.
