Sarp Özer,Zafer Fatih Beyaz
23 Јули 2020•Ажурирај: 23 Јули 2020
АНКАРА
Историските победи кои ги извојувавме на различните фронтови од Сирија до Либија, од Левант до борбата против тероризмот, ја покажаа силата на нашата земја и способностите на нашата војска, изјави турскиот претседател Реџеп Таип Ердоган, јавува Агенција Анадолија (АА).
Ердоган пред состанокот на Високиот воен совет го посети Мавзолејот на основачот на Република Турција, Мустафа Кемал Ататурк во Анкара.
Во придружба на претседателот Ердоган беа и потпретседателот на Турција, Фуат Октај, голем број министри и официјални претставници на Турските вооружени сили (TSK).
Претседателот по полагање цвеќе на Мавзолејот на Ататурк изјави дека денеска ќе биде одржан годишниот состанок на Високиот воен совет.
Тој истакна дека ќе продолжат да работат на исполнување на целите поставени за 2023 година кога се одбележува јубилејната 100. годишнина од основањето на Републиката.
„Историските победи кои ги извојувавме на различни фронтови од Сирија до Либија, од Левант до борбата против тероризмот, ја покажаа силата на нашата земја и способноста на нашата војска“, изјави Ердоган и додаде:
„Со висока дисциплина, свест за своите должности, силата за одвраќање и надмоќните способности, ТСК и покрај злите очи, продолжуваат да бидат гаранција за безбедност и одржливост на нашата земја.“
