Почина британскиот пејач Џорџ Мајкл

ЛОНДОН (AA) – Во својата 53. година од животот во недела почина познатиот британски поп пејач Џорџ Мајкл, соопшти публицистот на пејачот, јавува Anadolu Agency (AA).

„Со голема тага, можеме да потврдиме дека нашиот сакан син, брат и пријател Џорџ почина мирно во својот дом за време на Божиќ", изјави неговиот публицист, објавија локалните медиуми.

„Семејството бара да се почитува нивната приватност во ова тешко и чувствително време. Засега, нема да има дополнителни коментари", додаде тој.

Полицијата изјави дека смртта на британската музичка ѕвезда е „необјаснета, но не и сомнителна".

Георгиос Кириакос Панајоту, познат како Џорџ Мајкл беше британски музичар, пејач, текстописец и продуцент за снимање кој стана познат во 1980-те кога го оформи поп-дуото „Wham!” (Вем!) со неговиот средношколски другар Ендру Ридгелеј, а подоцна кариерата ја продолжи како соло пејач.