Индија: Извадени 639 шајки од цревата на човек

АНКАРА (АА) - Во Индија се извадени 639 шајки од цреватa на пациент со психички проблеми, пренесува Anadolu Agency (AA).

Според информациите на индиските медиуми, 48-годишен маж кој живее во индиската област Гобарданга, пред две недели се јавил на преглед во болница во Калкута поради болки во стомакот и повраќање.

По направената томографија било откриено дека во цревата на пациентот има голема количина шајки. Тој бил опериран и од неговите црева биле извадени 639 шајки.

Сидарта Бисвас, хирургот што ја изврши операцијата, истакна дека повеќето од шајките биле подолги од пет сантиметри.

„Пациентот е во добра состојба, и е под надзор. За среќа, не е предизвикано поголемо оштетување на цревата на пациентот“, рече Бисвас.

Лекарите велат дека пациентот има психолошки проблеми, со склоност да голта шајки.