Експерт: „Дискриминацијата на муслиманите во Франција произлегува од колонијализмот“

ИСТАНБУЛ (АА) - Водителот на истражување во францускиот Национален центар за научни истражувања Франсоа Бургат изјави дека дискриминацијата на муслиманите во Франција произлегува од колонијализмот, известува Анадолу.

Бургат за Анадолу рече дека ориенталистичкиот дискурс во последните години во Франција влијаел на погледот кон Арапите, доведувајќи до дискриминација на муслиманите.

Тој смета дека ориенталистичката перспектива нашироко ја користат Западот, како и авторитарните лидери во другите земји, вклучувајќи го и Израел.

„Ориенталистичките коментари поттикнуваат исламофобија, ориентализмот и исламофобијата се тесно поврзани. Отфрлањето на другите произлегува од нивното непознавање. Не мислам дека отфрлањето на муслиманите во Франција доаѓа од судирот меѓу исламот, христијанството и други верски догми... Мислам дека пред сѐ, тоа произлегува од француската колонијална историја“, посочи Бургат.

Тој рече и дека муслиманската генерација родена во Франција не го прифаќа колонијалниот менталитет и дека потомците на колонизираните луѓе сега многу попродуктивно го повишуваат својот глас.

Зголемувањето на видливоста на муслиманите и отворањето на исламски центри во европските престолнини може позитивно да придонесе за контактот со јавноста, смета Бургат.

„Антимигрантскиот или исламофобичниот дискурс многу е посилен во регионите каде имигрантите и муслиманите се помалку присутни. Човек не мрази ниту нелогично се плаши од некого кого го среќава секој ден. Затоа присуството на обединувачките муслимански актери е позитивен елемент“, заклучи Бургат.