Доналд Трамп дедо по осми пат

ВАШИНГТОН (АА) – Американскиот бизнисмен и претендент за републикански кандидат на ноемвриските претседателски избори, Доналд Трамп, стана дедо по осми пат, јавува Anadolu Agency (AA).

Неговата ќерка Иванка Трамп и нејзинот сопруг Џеред Кушнер добија трето дете.

Иванка на својот Твитер профил напиша дека родила син по име Теодор Џејмс и дека целото семејство се чувствува "исклучително благословено”.

Доналд Трамп за време на досегашната предизборна кампања за претседател во неколку наврати спомнуваше дека ќерка му е бремена, но сè уште јавно не се огласи по радосниот чин.

Иванка е второ дете по ред од вкупно трите деца кои Доналд Трамп ги има од бракот со поранешната сопруга Ивана Трамп.