Франција до 2040 година би можела да го забрани производството на нафта и гас

ПАРИЗ (АА) - Франција до 2040 година би можела да го забрани производството и истражувањата за нафта и гас, со што ќе стане првата земја во светот што го сторила тоа, пренесува Anadolu Agency (AA).

Најновиот предлог-закон ќе биде претставен на денешниот состанок на кабинетот.

Според тој закон, моменталните дозволи за експлоатација нема да бидат обновувани.

Овој чекор е симболичен во голема мера, со оглед на тоа што француското производство на нафта и гас претставува само еден отсто од националната потрошувачка, останатото се увезува.

Забраната е дел од поголемиот план економијата на таа земја да не користи веќе фосилни горива, да се поттикне развојот на чиста енергија и да се исполнат обврските пропишани со Парискиот климатски договор, со цел да се сузбие глобалнтоо затоплување.