Handan Kazancı,Firdevs Yüksel
22 Декември 2023•Ажурирај: 25 Декември 2023
ИСТАНБУЛ (АА) - Зависноста на Туркије од увезените енергетски ресурси се намали на 67,8 отсто во 2022 година, изјави денес турскиот министер за енергетика и природни ресурси Алпарслан Бајрактар, јавува Анадолу.
Во своето обраќање на Конференцијата на IICEC: „Променливиот пејзаж на глобалната енергетска геополитика, климатската криза и Туркије“, Бајрактар изјави дека главниот проблем на земјата во сите макроекономски прашања е нејзината зависност од увоз на енергија.
Во текот на изминатите неколку години, стапката на потпирање на увезените енергетски ресурси беше 70 отсто, а во некои години малку повисока, но се намали од 70 отсто на 67,8 отсто минатата година.
Бајрактар објасни дека според националниот енергетски план на Туркије, целите на земјата се намалување на надворешната енергетска зависност во следните 30 години и евентуално да се претвори во земја со нето-нулта емисија.
Бајрактар, исто така, откри план за инвестирање на 10 милијарди долари во електричната мрежа до 2030 година, како дел од плановите за енергетска ефикасност во период од 2024 до 2030 година.
Земјата има за цел да намали 100 милиони тони емисии на јаглерод како дел од овој план, кој се очекува да биде објавен следниот месец.
Трговијата на емисиите на јаглерод во рамките на енергетската берза на земјата во Истанбул (EXIST) е исто така земено предвид.
Од 2020 година, земјата ги зголеми напорите за истражување на нафта и гас, а овие напори резултираа со новооткриени резерви во југоисточниот регион Габар. Рекордните нивоа на производство на нафта за кои придонесоа новите резерви ја доближија земјата до нејзината цел за постигнување енергетска независност.
