Deniz Çiçek Palabıyık
30 Ноември 2020•Ажурирај: 01 Декември 2020
АНКАРА (АА) - Турскиот министер за трезор и финансии, Лутфи Елван, истакна дека порастот на домашната побарувачка придонел за економскиот раст на Турција од 6,7 отсто, остварен во третиот квартал од оваа година, пренесува Агенција Анадолија (AA).
На својот профил на Твитер, Елван го коментираше остварениот економски раст на Турција за третиот квартал оваа година.
„Водечките индикатори за раст укажаа на силен перформанс во третото тромесечие од годината, во кој растот на домашната побарувачка беше ефективен. Не ги игнорираме ризиците што можат да се појават. Со нашата политичка рамка, која дава предност на макроекономската, финансиската и ценовната стабилност, сакаме да оствариме процес на раст што создава урамнотежено и одржливо вработување“, наведе Елван.
Министерот Елван истакна дека ќе преземе чекори за натамошно зајакнување на производствената и технолошката инфраструктура.
„Под раководство на нашиот претседател [Реџеп Таип Ердоган], ќе ги слушаме гласовите на сите сегменти на економијата и ќе дејствуваме со здрав разум“, порача Елван.
