Саудискиот принц и бизнисмен ги повика жителите на Заливот да се навикнат на консумирање месо одгледано во лабораторија

АНКАРА (АА) - Судиски принц и бизнисмен ги повика луѓето од Заливот да се навикнат на месото одгледувано во лабораторија, како дел од нивната исхрана, без разлика дали тоа им се допаѓа или не, јавува Агенција Анадолија (АА).

Говорејќи на брифингот на Агро-прехранбениот форум на Блискиот Исток, извршниот директор на „КБВ Вентурс“, принцот Халид бин Алвалид, рече дека направил огромни инвестиции во месото одгледувано во лабораторија, кое е познато и како клеточно земјоделство, бидејќи верува дека тоа ќе одигра важна улога во обезбедувањето на сигурноста на храната во регионот во иднина.

„Клеточното земјоделство дава големо количество месо што се консумира тука во регионот и насекаде во светот, без разлика дали тоа ни се допаѓа или не. Реалноста е дека компаниите во голема мера ќе разберат дека неефикасноста на сточарското земјоделството е многу поголема од придобивките што може да ги обезбеди“, рече принцот Алвалид.

Извршниот директор на американската компанија посочи на тоа дека месото одгледувано во лабораторија е во потполност слично на месото на заклано животно, повикувајќи ги луѓето да се едуцираат за фактот дека тоа е еден-на-еден негова реплика.

Тој посебно го пофали Катар за водењето на Советот за заливска соработка (GCC) во областа на клеточното земјоделство и го повика јавниот сектор да учествува во промовирањето на проектот.

„Не можеме само да фрламе пари на некој проблем и да очекуваме да се реши, мора да имаме иновации, мора да го инволвираме приватниот сектор“, рече тој.

Тој изрази надеж дека индустријата за клеточно земјоделство ќе цвета во Заливот доколку земјите од Советот за заливска соработка го поддржат приватниот сектор во овој поглед.