Јавниот долг на Германија се искачи на 2 билиони и 256 милијарди евра

БЕРЛИН (АА) - Јавниот долг на Германија кој има раст од 46,3 милијарди евра во вториот квартал во споредба со првиот квартал, се искачи на околу 2 билиони и 256 милијарди евра, пренесува Агенција Анадолија (АА).

Според податоците на Федералниот завод за статистика на Германија, јавниот долг на Германија во вториот квартал на 2021 година се зголеми за 46,3 милијарди евра во споредба со првиот квартал на годината.

Со ова, јавниот долг на земјата се зголеми на околу 2 билиони и 256 милијарди евра. Тоа е 78,9 милијарди евра повисоко од јавниот долг во споредба со крајот на 2020 година, додека 358 милијарди евра повисоко од крајот на 2019 година, период пред Ковид-19.

Според Заводот, главната причина за зголемувањето на федералниот јавен долг е задолжувањето на германската Федерална влада за финансиските мерки против кризата предизвикана од Ковид-19.

Јавниот долг по глава на жител се искачи од 26.532 на 27.090 евра.

Од друга страна, со овогодишниот нов план за задолжување од околу 100 милијарди евра, вкупното задолжување во периодот од 2020 до 2022 година ќе се искачи на 470 милијарди евра.