Албајрак: „Бројот на фирми во програмата за борба со инфлацијата достигна 2.500“

АНКАРА (АА) - Намалувањето на данокот на додадена вредност и на посебните потрошувачки даноци ќе продолжи до крајот на годината, изјави денес турскиот министер за трезор и финансии, Берат Албајрак, јавува Anadolu Agency (AA).

Тој истакна дека бројот на компании кои се дел од програмата за борба против инфлацијата во Турција надминува 2.500 фирми.

Министерот Албајрак нагласи и дека Одборот за даночна ревизија ќе се реорганизира.

„Стапките на посебниот потрошувачки данок во индустријата за бела техника до крајот на годината ќе се намалуваат до нула“, рече Албајрак.

Министерот потенцираше дека намалувањето на данокот на додадена вредност од 18 на 8 отсто во секторот на продажба на домови и во индустријата за мебел ќе продолжи до крајот на годината.