Црногорскиот претседател Ѓукановиќ ги оцени билатералните односи со Туркије

ИСТАНБУЛ (АА)

‒ Назли ЈУЗБАШИОГЛУ

Претседателот на Црна Гора, Мило Ѓукановиќ, истакна дека Туркије (Турција) и неговата земја имаат шанса да соработуваат на регионалната и меѓународната сцена како партнери на НАТО и ја користат оваа шанса.

Ѓукановиќ за дописникот на Агенција Анадолија (АА) ги оцени односите Туркије - Црна Гора и војната Украина - Русија.

Наведувајќи дека Туркије и Црна Гора традиционално имаат пријателски односи и овие односи стануваат сѐ побогати секоја година, Ѓукановиќ рече: „Ние сме две партнерски земји во НАТО-алијансата. Покрај тоа, ние сме земји кои имаат шанса интензивно да соработуваат во регионалните иницијативи и ја користиме оваа шанса.“

Ѓукановиќ ги нагласи можности за соработка што ги имаат Туркије и Црна Гора во другите меѓународни платформи, особено во Обединетите нации (ОН) и во рамките на мултилатералните договори.

Нагласувајќи дека двете земји одлично ја користат историската и културната заднина во односите, Ѓукановиќ рече: „Оваа заднина е искористена за да се постават темелите за да можат новите генерации да работат во интерес на нашите земји и да развиваат нови пријателства.“

‒ „Силно се спротивставуваме на методите што Русија ги користи за да влијае на иднината на Украина“

Опишувајќи ја руската војна против Украина како „брутална агресија против Украина, независна европска земја“, Ѓукановиќ додаде: „Она што оваа грешка ја прави уште поголема е тоа што овој напад е извршен од земја која е постојана членка на Советот за безбедност на ОН, која мора да ја почитува Повелбата на ОН и меѓународниот поредок.“

Објаснувајќи дека неговата земја претходно имала негативни искуства со обидите на Русија да ја контролира иднината на Црна Гора, Ѓукановиќ рече: „Ова се случи во 2016 година, кога Црна Гора требаше да стане членка на НАТО. Тоа беше време кога добивавме постојани политички пораки на високо ниво од Москва дека Црна Гора не треба да влезе во НАТО и дека тоа само ќе ги влоши нашите односи со Русија.“

Ѓукановиќ потсети дека Црна Гора и Русија имаат традиционални односи кои датираат од пред 300 години и се однесуваат одговорно во тие рамки, и рече: „Но се разбира, мислиме дека овие традиционални односи не се причина да се откажеме од нашето право да одлучуваме за сопствената иднина.“

Истакна дека Црна Гора е независна земја која го прифаќа европскиот систем на вредности и дека секоја земја мора да одлучи за својата иднина: „Ние силно се спротивставуваме на овие методи, кои Русија особено ги користи за да влијае на иднината на Украина.“

‒ „Војната не е начин за решавање на политичките недоразбирања“

Ѓукановиќ во врска со судските процеси во неговата земја за време на прорускиот обид за пуч во 2016 година, рече:

„Јасно е дека Русија го избра патот да биде деструктивна за Западот, а особено за Европа, и се обидува да искористи различни кругови во Европа за да ја спроведе оваа агресивна или деструктивна политика. И во однос на спроведувањето на доктрината за одвлекување на вниманието на Европа, Западен Балкан изгледа како плодна земја за Русија.“

Наведувајќи дека земјите од Западен Балкан сѐ уште не се доволно моќни и дека кај населението во регионот постои силна проруска чувствителност заснована на историски цврсти темели, Ѓукановиќ рече дека Русија се обидува да си поигра со овие чувства.

Ѓукановиќ подвлече дека ваквата состојба ќе продолжи сѐ додека не се воспостават поразумни односи меѓу Истокот и Западот и не се обнови дијалогот меѓу Русија и Европа.

Наведувајќи дека во Руско-украинската војна, пред сѐ, треба да престанат нападите и убиствата на луѓе, Ѓукановиќ рече дека потоа треба повторно да се воспостават нормални меѓудржавни односи меѓу двете земји.

„Секој денес треба да разбере дека војната не е начин за решавање на политичките недоразбирања“, нагласи претседателот Ѓукановиќ.

Укажувајќи на важноста од преземање итни мерки во врска со ситуацијата во Украина и за иднината на односите меѓу Русија и Европа, Ѓукановиќ подвлече: „Ова е единственото нешто што може да гарантира крај на деструктивната политика на Русија, вклучително и на Западен Балкан.“

‒ „НАТО е од витално значење“

Посочи дека членството во НАТО е од „витално значење“ за неговата земја, и додаде: „Денес, војната во Украина не е војна само против Украина, туку и против ЕУ и европскиот систем на вредности. НАТО е колективен безбедносен систем со голема доверба за сите земји членки.“

Нагласувајќи дека НАТО има силно одвраќање на заканите, Ѓукановиќ рече дека Алијансата сѐ уште е силен гарант за мир за земјите околу неа, иако тие не се членки на НАТО.

Меѓу другото, Ѓукановиќ нагласи дека неговата земја стана многу попросперитетно и побезбедно место по членството во НАТО во споредба со пред неколку години, и на земјите што размислуваат за членство им препорача да се приклучат на Алијансата.