Црна Гора: Во Подгорица нема повеќе заразени со Ковид-19

ПОДГОРИЦА

Во Подгорица од денеска нема активни случаи на заразување со Ковид-19, јавува Агенција Анадолија (АА).

Од Институтот за јавно здравје на Црна Гора изјавија дека во таа земја има вкупно шестмина заразени.

„Врз основа на анализите направени синоќа, заклучно со вториот последователен негативен резултат и за пациентот од Подгорица, од утринава главниот град официјално нема активни случаи на заразување со новиот тип Ковид-19“, објавија од Институтот.

Се потсетува дека од почетокот на епидемијата на Ковид-19 во Подгорица беа забележани вкупно 164 случаи, додека бројот на заразени во Црна Гора изнесуваше 324.

„Бројот на излекувани е 309, додека во Гусиње се активни три случаи, во Улцињ два и во Бело Поле еден“, наведоа од Институтот.