Традиционален рамазански ифтар пред историската џамија „Ферхадија“ во Бања Лука

БАЊА ЛУКА (AA) - Пред историската џамија „Ферхадија“ во Бања Лука, Босна и Херцеговина, беше организирана традиционална ифтарска програма, јавува Анадолу.

Во дворот на џамијата беа поставени традиционални трпези, каде што стотици луѓе заедно ја почувствуваа благословената атмосфера и заедништвото на Рамазан.

Историската џамија „Ферхадија“ во Бања Лука секоја година преку традиционалната ифтарска програма ги обединува муслиманите околу иста трпеза, споделувајќи вера, мир и братство.

Џамијата „Ферхадија“, која во 1993 година беше срамнета до темел од страна на српските војници, беше обновена со поддршка на Турската агенција за соработка и координација (ТИКА) и повторно отворена за верниците на 7 мај 2016 година.

Денот кога џамијата беше разрушена, 7 мај, од 1998 година се одбележува како „Ден на џамиите“ во оваа земја.