Северна Македонија: Регистрирани нови 308 случаи на коронавирусот и 8 починати

СКОПЈЕ (АА) - Во изминатото деноноќие во Република Северна Македонија регистрирани се 308 нови случаи на коронавирусот, Ковид-19, со што вкупната бројка на евидентирани случаи од почетокот на епидемијата во земјата достигна 219.408, пренесува Агенција Анадолија (АА).

Во истиот период пријавени се 8 починати лица од Ковид-19. Согласно Регистарот на починати лица со дијагноза Ковид-19, дополнително е пријавено едно починато лице со датум на смрт 10.12.2021.

Институтот за јавно здравје регистрира 246 оздравени пациенти од Ковид-19, додека вкупната бројка на досега излекувани изнесува 205.946.

Во моментот, бројот на активни случаи со Ковид-19 изнесува 5.730.

Министерството за здравство информира дека во последните 24 часа се реализирани 2.643 тестирањa за Ковид-19, а досега во земјата се направени вкупно 1.502.730 тестирања.