Северна Македонија: Регистрирани 659 новозаразени со коронавирусот, 23 починати

СКОПЈЕ (АА) - Во Република Северна Македонија во последните 24 часа од последици предизвикани од новиот вид коронавирус (Ковид-19) починаа 23 лица, со што вкупната бројка на смртни случаи од овој вирус во земјата се искачи на 1.924, пренесува Агенција Анадолија (АА).

Министерството за здравство информира дека во последните 24 часа се регистрирани се 659 нови случаи на Ковид-19, со што вкупната бројка на дијагностицирани случаи на овој вирус во земјата се искачи на 67.968.

Денеска Институтот за јавно здравје регистрира 774 оздравени од Ковид-19, а вкупната бројка на оздравени пациенти од овој вирус во земјата изнесува 43.646.

Бројот на активни случаи на Ковид-19 во земјата изнесува 22.398.

Министерството за здравство соопшти дека во последните 24 часа се направени 1.715 тестирања на Ковид-19, а досега во земјата се направени вкупно 348.795 тестирања.