Северна Македонија: Од последиците од Ковид-19 во последните 24 часа почина 21 лице

СКОПЈЕ

Во последните 24 часа во Република Северна Македонија регистрирани се 947 нови случаи на коронавирусот (Ковид-19), со што вкупната бројка на евидентирани случаи од почетокот на епидемијата во земјата порасна на 110.209, пренесува Агенција Анадолија (АА).

Од последици предизвикани од коронавирусот во истиот период починаа 21 лице, со што билансот на починати од овој вирус во земјата се искачи на 3.265.

Денеска Институтот за јавно здравје регистрира 397 оздравени пациенти од Ковид-19, додека вкупната бројка на излекувани изнесува 96.570.

Во моментот, бројот на активни случаи со Ковид-19 е 10.374.

Министерството за здравство информира дека во последните 24 часа се реализирани 3.450 тестирања за Ковид-19, а досега во земјата се направени вкупно 555.367 тестирања.