Северна Македонија: Во последните 24 часа регистрирани 11 нови случаи на Ковид-19

СКОПЈЕ (АА) - Во последните 24 часа во Република Северна Македонија регистрирани се 11 нови случаи на коронавирусот, Ковид-19, со што вкупната бројка на евидентирани случаи од почетокот на епидемијата во земјата изнесува 155.700, пренесува Агенција Анадолија (АА).

Од последици предизвикани од Ковид-19 во последното деноноќие почина едно лица, со што билансот на починати од овој вирус во земјата се искачи на 5.486.

Денеска Институтот за јавно здравје регистрира 4 оздравени пациенти од Ковид-19, a вкупната бројка на оздравени изнесува 150.067.

Во моментот, бројот на активни случаи со Ковид-19 изнесува 147.

Министерството за здравство информира дека во последните 24 часа се реализирани 2.723 тестирањa за Ковид-19, а досега во земјата се направени вкупно 884.593 тестирања.