Северна Македонија: Во последните 24 часа од Ковид-19 починати 15 лица

СКОПЈЕ

Во Република Северна Македонија во последните 24 часа од последиците на коронавирусот (Ковид-19) починати се 15 лица, со што вкупната бројка на смртните случаи од овој вирус во земјата се искачи на 2.503, пренесува Агенција Анадолија (АА).

Министерството за здравство соопшти дека во последното деноноќие се регистрирани 536 нови случаи на Ковид-19, со што вкупната бројка на регистрирани случаи на овој вирус во земјата се искачи на 83.329.

Денеска Институтот за јавно здравје регистрира 741 оздравени пациенти од Ковид-19, со што вкупната бројка на оздравени пациенти изнесува 61.447.

Бројот на активни случаи на Ковид-19 во земјата изнесува 19.379.

Министерството за здравство информира дека во последните 24 часа се направени 1.662 тестирања на Ковид-19, а досега во земјата се направени вкупно 400.825 тестирања.