Северна Македонија: Вкупната бројка на случаи со Ковид-19 се искачи на 2.077
Денеска Институтот за јавно здравје регистрира 16 оздравени пациенти од Ковид-19, со што вкупната бројката на оздравени пациенти е 1.486. Според соопштението на Министерството, во моментов бројот на активни случаи во земјата изнесува 469.
СКОПЈЕ
Министерството за здравство на Република Северна Македонија соопшти дека се регистрирани 38 нови случаи на коронавирусот (Ковид-19), со што вкупната бројка на потврдени случаи со овој вирус се искачи на 2.077, пренесува Агенција Анадолија (АА).
Министерството за здравство соопшти дека се потврдени 3 смртни случаи предизвикани од Ковид-19, со што вкупната бројка на смртни случаи од овој вирус изнесува 122.
Денеска Институтот за јавно здравје регистрира 16 оздравени пациенти од Ковид-19, со што вкупната бројката на оздравени пациенти е 1.486. Според соопштението на Министерството, во моментов бројот на активни случаи во земјата изнесува 469.
Во изминатото деноноќие направени се 560 теста на Ковид-19, а досега во земјата се направени вкупно 27.023 тестирања на овој вирус.
Според одлуката на Владата на Република Северна Македонија донесена на 26 мај, од вчера е укинат полицискиот час, со што целосно престана важењето на одлуката за забрана и посебниот режим на движење на територијата на Република Северна Македонија, а од денеска со посебен протокол почнаа со работа угостителските објекти кои имаат отворени простори и тераси.
Потсетуваме, на 15 мај претседателот на Република Северна Македонија, Стево Пендаровски, прогласи нова вонредна состојба во траење од 14 дена поради кризата со коронавирусот (Ковид-19), а како причина за тоа го наведе спроведувањето на економско-социјалните мерки.
На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.