СКОПЈЕ (АА) - Црногорскиот претседател Јаков Милатовиќ истакна дека Црна Гора ја гледа Турција како важен партнер во градењето стабилен и просперитетен регион, пренесува Анадолу.

Милатовиќ, во објава на својот профил на американската компанија за социјални мрежи X, даде оценка за средбата со турскиот министер за надворешни работи, Хакан Фидан.

Средбата се одржа во рамките на приемот по повод Денот на државноста на Црна Гора во Истанбул, Турција.

„Отвораме ново поглавје во соработката меѓу Црна Гора и Турција“, напиша Милатовиќ, посочувајќи дека тој и турскиот министер за надворешни работи, Фидан, разговарале за зајакнување на политичките и економските односи меѓу двете земји.

„Новите инвестиции и новите работни места се начин нашето пријателство да се претвори во конкретни резултати за граѓаните. Црна Гора ја гледа Турција како важен партнер во градењето стабилен и просперитетен регион. Посетата на претседателот на Република Турција, Реџеп Таип Ердоган, се очекува следната година, по повод 20-годишнината од обновувањето на независноста на Црна Гора - силна потврда за стратешкото партнерство меѓу нашите држави“, истакна црногорскиот претседател.