МВР: Граничниот премин Евзони прооден за сите видови возила

СКОПЈЕ (АА) - Граничниот премин Евзони деенска е прооден за сите видови на возила, а блокадата од трактори е отстранета, пренесува Anadolu Agency (AA).

Ова го соопшти денеска Министерството за внатрешни работи на Република Македонија (МВР), наведувајќи дека е остварен контакт помеѓу одговорните полициски службеници од граничниот премин Богородица и од граничниот премин Евзони.

„Денес (17.02.) остварен е контакт помеѓу одговорен на смена- полициски службеник од ПС за ГП и ГН Богородица со одговорениот на смена од ГП Евзони, при што сме известени дека штрајкот на грчките земјоделци е прекинат и дека блокадата од трактори на ГП Евзони е отстранета. Патот е прооден за сите видови на сообраќај", соопштија од МВР.

И од Авто-мото сојузот на Македонија (АМСМ) соопштија дека граничниот премин Евзони деенска е прооден за сите видови на возила, како и дека е отстранета блокадата од трактори.

Поради штрајк на грките земјоделци Евзони беше затворен за секаков вид сообраќај од 30-ти минатиот месец.