ПРИШТИНА (АА) - Во Косово уште едно лице е заразено со новиот вид коронавирус (Ковид-19), со што вкупната бројка на случаи со коронавирусот во земјата се искачи на 126 лица, пренесува Агенција Анадолија (АА).

Оваа информација преку соопштение ја потврди Националниот институт за јавно здравје на Косово.

Се вели дека тестирани се 58 сомнителни лица, од кои едно е позитивно на вирусот Ковид-19.

„Пациентката е од Кориша во Призрен. Ќе бида истражувани и тестирани сите контакти“, се наведува во ова соопштение.

Националниот институт за јавно здравје на Косово повторно упати апел да се следат препораките на Министерството за здравство.

Со ова, бројката на откриени случаи со Ковид-19 во Косово се искачи на 126 лица, од кои еден починат и 10 излекувани лица.