Иницијативата „За заедничка Македонија“ продолжува со протести во Скопје

СКОПЈЕ (АА) – Граѓанската иницијатива „За заедничка Македонија“ заедно со поддржувачите, кои протестираат против албанската платформа, вечерва повторно се собраа пред Владата, од каде маршираа до Собранието, јавува Anadolu Agency (AA)

Протестирачите и верчерва поддржани од неколку групи градежни работници со булдожери, маршираа од Владата, поминувајќи од Народната канцларија на претседателот Ѓорге Иванов, од кадешто се упатија кон Собранието.

Дел од организаторите и поддржувачите на овој протест пред Собранието повторно одржаа говори во кои ги упатија своите барања, односно како што велат, да се стави крај на оваа платформа, дека се против бинационална држава, дека се за мултиетничка Македонија и дека се против двојазичност во државата.

Исто така, повторно нагласија дека, нема да прифатат претседател на Собранието, кој не е против албанската платформа.

Тие и вечерва истакнаа дека, нема да престанат да се собираат и протестираат се додека не им се исполнат барањата.

Луѓето кои маршираа, носеа транспаренти и македонски знамиња, а по упатените пораки пред Собранието, толпата мирно се раздели.

Протести, освен во Скопје, се одржуваат и во други градови во државата.