Жељка Цвијановиќ од утре го започнува претседавањето со Претседателството на БиХ

САРАЕВО (АА) - Жељка Цвијановиќ, по принципот на ротација, од утре, 16 ноември, го започнува своето претседавање со Претседателството на Босна и Херцеговина (БиХ), јавува Анадолу.

Од 16 ноември 2024 година должноста претседавач со Претседателството на Босна и Херцеговина, по принципот на ротација, во наредните осум месеци, ја презема Жељка Цвијановиќ.

Оваа ротација се одвива врз основа на член V став (2) б. од Уставот на Босна и Херцеговина, а во врска со член 5 став (2) од Деловникот за работа на Претседателството на Босна и Херцеговина („Службен весник на Босна и Херцеговина“, бр. 10/13, 32/13 и 22/14).