Во мисијата „Одлучна поддршка“, во Авганистан се испратени 30 албански војници

ТИРАНА (АА) - Група од 30 војници од вооружените сили на Албанија денес е испратена во Авганистан, каде што ќе учествуваат во мировната мисија на НАТО „Одлучна поддршка“, јавува Anadolu Agency (AA).

Прошталната церемонија беше организирана во главниот град Тирана, а на неа присуствуваа министерката за одбрана на оваа земја, Мими Koдели, советникот на амбасадорот на Турција во Албанија, Џем Баш, претставници на вооружените сили на Албанија, многу семејства и гости.

Министерката Koдели во својот говор истакна дека албанските војници во мисијата во Авганистан ќе извршуваат тешки задачи, и на тој начин ќе придонесат за мирот и стабилноста во земјата.

Исто така, таа нагласи дека албанските војници активно ќе дадат поддршка во борбата против тероризмот, и додаде дека денес е неопходна одлучна борба против насилството и екстремизмот.

Кодели им се заблагодари на сите сојузни вооружени сили кои ѝ даваат поддршка на албанската војска, особено истакнувајќи ги турските и италијанските безбедносни сили.