ИСТАНБУЛ (АА) - Бугарскиот премиер Росен Жељазков денес објави оставка на својот Кабинет пред гласањето за недоверба на Владата, во услови на национални антивладини протести, според Бугарската новинска агенција, јавува Анадолу.

Жељазков ја објави оставката на вонредна прес-конференција во Парламентот, на којa требаше да се гласа за предлог за недоверба на Владата.

Земјата е сведок на масовни антивладини протести поради контроверзните буџетски планови на Кабинетот, кои подоцна ескалираа во пошироко незадоволство поради наводната корупција во Владата.

Минатата недела бугарскиот претседател Румен Радев, исто така, рече дека оставката на Владата е „неизбежна“ и дека предвремените избори се единствен одржлив пат напред, по големите протести поради буџетските политики на Кабинетот и широко распространетите обвинувања за корупција.