Албанскиот претседател Бегај со честитка до Ердоган за победата на изборите

ТИРАНА (АА) - Претседателот на Албанија, Бајрам Бегај, упати честитки до турскиот претседател Реџеп Таип Ердоган за победата на претседателските избори во Туркије, пренесува Анадолу.

Бегај честитката до Ердоган ја објави на својот профил на социјалните мрежи.

„Срдечни честитки до Реџеп Таип Ердоган за Вашиот реизбор“, напиша Бегај.

„Партнерството и братското пријателство меѓу Албанија и Туркије ќе продолжат и ќе растат понатаму“, додаде албанскиот претседател.

Ердоган води со 53,41 отсто од гласовите, додека опозицискиот кандидат Киличдароглу има 46,59 отсто од пребројани 75,42 отсто гласови, изјави Ахмет Јенер, претседателот на Врховната изборна комисија на Туркије (ЈСК).