Албанија: Бројот на починати поради Ковид-19 се искачи на 17 лица

ТИРАНА (АА) - Бројот на починати како последица на новиот вид коронавирус (Ковид-19) во Албанија се искачи на 17 лица, пренесува Агенција Анадолија (АА).

Оваа информација преку соопштение ја потврди Министерството за здравство и социјална заштита на Албанија.

Во соопштението се нагласува дека во Инфективната болница во Тирана почина 75-годишен пациент како последица на Ковид-19.

Според ова соопштение, пациентот во болница пристигнал во тешка состојба, кој бил тестиран и резултирал позитивен на овој вирус.

Се истканува дека неговата состојба била уште повеќе влошена.

Од друга страна, во Албанија се откриени 304 случаи со Ковид-19, меѓу кои и починатите и 89 излекувани лица.