Албанија: Бројот на откриени случаи на Ковид-19 се искачи на 33

ТИРАНА (АА) - Бројот на откриени случаи на новиот вид коронавирус (Ковид-19) во Албанија се искачи на 33 лица, пренесува Агенција Анадолија (АА).

Тоа преку соопштение го потврди Министерството за здравство и социјална заштита на земјата.

Во соопштението се наведува дека вкупно биле тестирани 457 лица, од кои 33 резултирале позитивно, меѓу кои и еден лекар.

„Досега 33 случаи се позитивни на Ковид-19“, се нагласува во соопштението.

Се вели дека 19 од овие случаи се откриени во Тирана, 5 во Драч (од кои еден починат), 4 во Фиер, и по два случаја се откриени во Елбасан, Рогожина и Лушње.

Инаку, на 11 март во Албанија од Ковид-19 почина едно 73-годишно лице.