Албанија: Бројот на излекувани лица од Ковид-19 се искачи на 654

ТИРАНА (АА) - Во Албанија во последните 24 часа откриени се 4 случаи со новиот вид коронавирус (Ковид-19), со што вкупниот број на случаи во земјата се зголеми на 872, меѓу кои се и починатите лица, пренесува Агенција Анадолија (АА).

Според соопштението на Министерството за здравство и социјална заштита на Албанија, во последните 24 часа тестирани се уште 121 лице, од кои четворица биле позитивни на Ковид-19.

„Досега во земјата откриени се 872 случаи со Ковид-19. 654 граѓани, односно 75 отсто од заразените се излекувани. Во земјата моментално има 187 активни случаи со Ковид-19. Повеќе од 10 дена немаме ниту еден починат“, се вели во соопштението.

Досега во Албанија се извршени 11.089 тестирања, а 31 лице починаа како последица на вирусот.