„Инцидентот со џамијата во Гостивар, обид да се создаде меѓурелигиски конфликт"

СКОПЈЕ (АА) - Претседателот на Исламската верска заедница на Македонија (ИВЗ), Сулејман Реџепи, реагираше за графитите во форма на крст насликани од страна на непознати лица во дворот на Саат џамијата во Гостивар. Реџепи за Anadolu Agency (AA) рече дека надлежните органи го занемаруваат целосното обелоденување на случајот, бидејќи веќе поминале три дена и досега сторителите и нивните мотиви требаше да бидат откриени.

Според него, ваквите дела се политички игри за да се создаде меѓурелигиски конфликт и да се одвлече вниманието од актуелната политичка криза. Тој апелираше до сите муслимани во земјата да бидат повнимателни и како што рече, да не потпаѓаат под разни провокации во оваа тешка ситуација во која земјата се наоѓа.

Реџепи рече дека поглаварот на Македонската православна црква секогаш се обидувал да ги ублажи православните верници да не се случуваат вакви инциденти, но во сегашната ситуација во земјата, вели тој, Православната црква не е во состојба да го контролира политичко прашање.

„Македонската страна треба да биде внимателни и да не провоцира, затоа што ние муслиманите никогаш не сме ги провоцирале", рече Реџепи за АА, додавајќи дека муслиманите биле многу внимателни, одржувајќи ја својата религија, но почитувајќи ја туѓата. Меѓу другото, поглаварот на ИВЗ, Реџепи, повика на соработка.

Во врска со случајот со џамијата во Гостивар, Министерството за внатрешни работи издаде соопштение во кое наведе дека непознати лица, користејќи црвена боја исцртале крст на метален електричен ормар до оградата на џамијата, додавајќи дека полицијата започнала истрага во врска со случајот.