НЕВШЕХИР (АА) - Снежните врнежи во Кападокија, Централна Турција, ги покрија самовилските оџаци и природните карпести формации во бело руво, јавува Анадолу.

Снежните врнежи со одредени прекини продолжуваат во Кападокија, место што се наоѓа на листата на светското наследство на УНЕСКО.

По снежните врнежи, самовилските оџаци во долините околу округот Ургуп во Невшехир, како и градовите Ѓореме, Учхисар, Ортахисар и селото Чавушин добија изглед како од бајките.

Туристите ги хранеа птиците што се обидуваа да најдат храна во Долината на гулабите поради студеното време, а гулабите, летајќи над падините на долината, го збогатија зимскиот пејзаж.

Мирниот изглед на долините и самовилските оџаци поради студеното време и снежните врнежи е најимпресивен.

Унгарската туристка Шимонета Букта за АА рече дека првпат е во Кападокија и со воодушевување изјави: „Кападокија е многу убава, ни се допадна овде. Има прекрасен пејсаж по снегот.“

Зетени Чоке рече дека се многу задоволни од патувањето во Турција и дека ја ценат историската „текстура“ на регионот.

Синем Болукбаш, исто така, го изрази своето восхитување од хармонијата помеѓу белата снежна покривка и самовилските оџаци, велејќи: „Бидејќи обично доаѓаме во лето, никогаш порано не сум ги видела (самовилските оџаци) покриени со снег. Снежниот пејзаж е прекрасен.“