ЛОНДОН (АА) - Седумкратниот светски шампион во Формула 1, Луис Хамилтон, јавно проговори за кризата во Газа, откако Комисијата на ОН ја класифицираше ситуацијата како геноцид, нагласувајќи дека меѓународната заедница не смее да стои настрана пред вакви трагедии, јавува Анадолу.

40-годишниот светски шампион во серија објави на социјалните мрежи ја осуди влошената хуманитарна состојба во енклавата, посочувајќи дека „во последните две години, повеќе од 10 % од населението е убиено или рането, меѓу кои и десетици илјади деца, а бројката постојано расте“.

Тој додаде дека последната офанзива врз Газа принудила стотици илјади луѓе да ги напуштат своите домови, додека болниците низ Појасот се веќе преполнети со жртви на гладот и бомбардирање кое се чини како никогаш да нема да заврши.

Хамилтон ги сподели своите пораки на профилите на социјалните мрежи, вклучувајќи ја и американската платформа за социјални медиуми Инстаграм, со што допре до милиони следбеници низ светот.

Тој притоа истакна неколку организации кои активно обезбедуваат помош за Палестинците и ги охрабри луѓето да придонесат.

„Како човечки суштества, не можеме да стоиме и да дозволиме ова да продолжи. Јас донирав на три организации што неуморно работат за да им помогнат на оние на кои им е најпотребно. Доколку имате можност, би ми било драго доколку ми се придружите“, порача Хамилтон.