АНКАРА (АА) - Љубителите на фудбалот денес ги очекуваат три натпревари на вториот ден од Европското фудбалско првенство во Германија (ЕВРО 2024), известува Анадолу.

Првиот натпревар од групата „А“ се одигра синоќа меѓу Германија и Шкотска, на кој домаќинот извојува победа од 5:1, отворајќи го 17. Европско фудбалско првенство.

Денес првата средба на ЕВРО 2024 е закажана за 15 часот. На стадионот Келн во истоимениот град се игра вториот дуел во групата А меѓу селекциите на Унгарија и Швајцарија.

Во 18:00 часот започнува натпреварот меѓу Шпанија и Хрватска на Олимпискиот стадион во Берлин.

Во последниот денешен натпревар кој е закажан за 21 часот, актуелниот европски првак Италија ќе игра против Албанија на стадионот во Дортмунд.