СКОПЈЕ (АА) - Властите во американската сојузна држава Њу Џерси денес издадоа итно предупредување поради обилните врнежи и буичните поплави што предизвикаа сериозни нарушувања во сообраќајот низ целиот регион, јавува Анадолу.

Делови од североисточниот регион на САД синоќа беа зафатени од поројни дождови и предизвикаа поплави во Њујорк и Њу Џерси.

Поради поплавите беа блокирани возилата на улиците, затворени се линиите на метрото и прогласена е вонредна состојба.

Гувернерот на Њу Џерси, Фил Марфи, прогласи вонредна состојба и ги повика граѓаните да останат во затворен простор и да избегнуваат патувања.