Најмалку 11 загинати во поплавите што го зафатија Пакистан

АНКАРА (АА) - Според првичните извештаи, 11 лица загинаа во поплавите предизвикани од обилните монсунски дождови во пакистанските покраини Пенџаб и Белуџистан, пренесува Анадолу.

Весникот „Dawn“ објави дека обилните дождови предизвикале поплави во градот Лахор, главниот град на Пенџаб, и во некои делови на Белуџистан.

Во Лахор канализацискиот систем немаше доволно капацитет и некои патишта беа затворени поради монсунските дождови, а прекините во електричната мрежа погодија илјадници луѓе.

Властите објавија дека обилните дождови оштетиле домови и патишта, а според првичните извештаи, најмалку 11 лица загинале, а голем број се повредени во поплавите што зафатија делови од градот Лахор и покраината Белуџистан.