Поплави го зафатија местото на откажаниот проект за аеродромот во Мексико на езерото Текскоко

СКОПЈЕ (АА) – Поплави го зафатија местото на откажаниот проект за Нов меѓународен аеродром (NAIM) во Мексико на езерото Текскоко, североисточно од Мексико Сити, по обилните дождови во текот на вчерашниот ден, јавува Анадолу.

На местото се акумулирани повеќе од 3 милиони кубни метри вода, кои ја потопија познатата структура „X“ што некогаш го симболизираше контроверзниот план за аеродромот.

Водите од поплавите сега покриваат речиси 13 % од Еколошкиот парк на езерото Текскоко, заштитено подрачје на природата.

Еколошките власти ја следат зоната поради потенцијални долгорочни влијанија, бидејќи регионот продолжува со својата трансформација во еколошки обновена област откако проектот за аеродромот беше официјално откажан во 2019 година.