свет

Пукање во џамија во Канада, петмина повредени

„Испукани се најмалку шест истрели, но останува непознато колкумина осомничени биле вклучени во пукањето“

Seyit Aydoğan  | 17.04.2022 - Обновена : 18.04.2022
Пукање во џамија во Канада, петмина повредени

ТОРОНТО (АА) - Пет лица се повредени во пукање кон џамија во подрачјето на Торонто во Канада, јавува Агенција Анадолија (АА).

„Група мажи, кои завршиле со вечерната молитва во џамијата за време на месецот Рамазан (терави намаз), се нападнати во пукање во квартот Скарборо“, изјави портпаролот на полицијата на Торонто, Дејвид Рајџик.

„Испукани се најмалку шест истрели, но останува непознато колкумина осомничени биле вклучени во пукањето“, рече тој.

„Не можеме со сигурност да кажеме и тоа дали жртвите биле цел поради нивните религиозни убедувања“, рече Рајџик.

Надим Шеик, член на одборот на муслиманското здружение Скарборо, изјави дека е загрижен поради пукањето.

Тој ги повика надлежните да направат сè што е во нивна моќ да ги изведат сторителите пред властите и потенцираше дека треба да се преземат повеќе чекори за да се спречи вооруженото насилство.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.
Поврзани теми
Bu haberi paylaşın