МОСКВА (АА) - Русија има „јасен и разбирлив став“ за претстојната средба меѓу претседателот Владимир Путин и неговиот американски колега Доналд Трамп на Алјаска и аргументи што ќе го поддржат, изјави министерот за надворешни работи Сергеј Лавров, јавува Анадолу.

Коментирајќи ги изјавите на Трамп дека има 25% шанси за неуспех во преговорите, Лавров во интервјуто за рускиот телевизиски канал Россија 1 рече дека руската страна никогаш не прави предвидувања однапред.

„Знаеме дека имаме аргументи и јасен и разбирлив став. Ќе ги презентираме“, рече тој.

Лавров истакна дека веќе е направено многу за време на посетите на американскиот претставник Стив Виткоф, кој дејствуваше во име на американскиот претседател.

„Се надевам дека ќе го продолжиме овој корисен разговор“, рече тој.

Путин и Трамп треба да се сретнат во Анкориџ, најголем град во американската држава Алјаска, подоцна вo текот на денот, во обид да најдат заедничка основа за ставање крај на војната во Украина што трае од февруари 2022 година.