ИСТАНБУЛ (АА) – Израел денес соопшти дека извршил воздушен напад чија цел бил иранскиот министер за разузнавање Есмаил Катиб, додека непријателствата меѓу двата регионални соперника продолжуваат да ескалираат, пренесува Анадолу.

Израелскиот „Канал 12“ објави дека Тел Авив сè уште ги проценува последиците од нападот, без да наведе дополнителни детали.

Израел и САД ја продолжуваат заедничката офанзива во Иран што започна на 28 февруари, при што досега загинаа околу 1.300 луѓе, меѓу кои и тогашниот врховен лидер ајатолахот Али Хамнеи.

Иран возврати со напади со беспилотни летала и ракети насочени кон Израел, Јордан, Ирак и земјите од Персискиот Залив, каде што се наоѓаат американски воени бази, предизвикувајќи жртви и штета на инфраструктурата, истовремено нарушувајќи ги глобалните пазари и авиосообраќајот.