ЕРБИЛ / ИСТАНБУЛ (АА) – Серија експлозии се слушнаа денес во близина на Меѓународниот аеродром во Ербил, каде што е сместена американска воена база во северен Ирак, јавува Анадолу.

Според дописникот на Анадолу, системите за противвоздушна одбрана биле активирани во областа по детонациите предизвикани од дронови камикази чија цел бил аеродромот.

„Противвоздушната одбрана успешно ги неутрализира беспилотните летала пред да погодат кој било цел“, посочи дописникот.

Засега нема официјално соопштение за инцидентот.

Американско-израелските напади врз Иран започнаа на 28 февруари и, според извештаите, во нив досега се убиени најмалку 1.300 луѓе, меѓу кои и тогашниот врховен лидер, ајатолахот Али Хамнеи.

Иран возврати со напади со беспилотни летала и ракети насочени кон Израел, Јордан, Ирак и земјите од Персискиот Залив каде што се наоѓаат американски воени бази.